Manchester, 15 gusht - Supertalenti shqiptar, Adnan Januzaj, pritet që të nënshkruajë një kontratë të re multi-milionëshe me Manchester United.

Guardian shkruan se Januzaj do të jetë në ekipin e Unitedit për ndeshjen ndaj Swanseas ku ai pritet të jetë edhe startues.

Mesfushori i jashtëzakonshëm është shumë pranë që të arrijë marrëveshje me drejtuesit e United për kontratën e re me një pagë më të madhe dhe kohëzgjatje më të madhe si shpërblim për punën e madhe dhe formën e lartë që i riu shqiptar ka treguar.

Adnan Janzuaj ishte një prej lojtarëve më të mirë të United bashkë me Wilfried Zahan nëpër ndeshjet parasezonale, ku ai pos që shënoi gola, arriti që të bëjë edhe asistime dhe të bëjë driblime që do të kompleksonin edhe Ronaldinhon.

Rinovimi i Januzajt me Unitedin shihet si përforcimi më i mirë i Unitedit para mbylljes së afatit kalimtar ku Djajtë kanë kërkuar lojtarë si Thiago Alcantara dhe Cesc Fabregas, të dy këta që refuzuan klubin nga Old Trafford.