Milano, 1 prill - Interi është duke e shqyrtuar seriozisht mundësinë e rikthimit të skuadër të një prej futbollistëve më problematikë në histori të futbollit, bëhet fjalë për Mario Balotellin.

La Stampa shkruan se Leonardo dëshiron t’ia vë vetes sfidën e menaxhimit të Balotellit nga ana psikologjike, ndërsa për realizimin e një rikthimi të SuperMarios nga City, besohet se Massimo Moratti duhet ta mendojë një strategji të mirë financiare.

Përkundër këtyre spekulimeve, është pak e besueshme se Balotelli mund të rikthehet te Interi, marrë parasysh se kjo do të biente ndesh me dëshirat e Nerazzurëve, pas sjelljeve katastrofale të Balotellit në fanellën e Interit.

Mario Balotelli është produkt i akademisë së Interit dhe njëkohësisht është futbollisti italian më i sukesshëm deri në moshën 18 vjeçare duke fituar të gjithë titujt e mundshëm me Interin.

Publikisht ka pranuar se e do Milanin, ndërsa në gusht të vitit 2010 u transferua te Manchester City.