Milano, 8 tetor - Interi ka fituar derbin “Madonina”, ndaj Milanit me rezultat 1:0, duke i futur në krizë edhe më shumë “kusherinjtë” e Milanit.

Interit i ka mjaftuar goli i minutës së 3-të, i realizuar nga Samuel për të shënuar fitore në derbin e madh italian me Milanin. Interi, që me fat e nisi takimin, u duk se ai ia kthej “shpinën” në minutën e 48-të, kur pas dy kartonave të verdhë nga loja u përjashtua Nagatomo.

Pas këtij momenti zikaltrit u përqendruar kryesisht në fushën që i takonte atyre për t’u mundur që me anë të kundërzbritjeve eventualisht të shënojnë edhe një herë.

Ndërkaq Milanit, të cilit i duhej fitorja si asnjëherë tjetër për të përfituar pozita sa më të larta në tabelë, u vërsulë me të gjitha forcat në sulm.

Por tentimet e Boateng, Robinhos e Pazzinit mbetën vetëm në tentativë më shumë për fatin e madh të Interit, që si duket e kishte natën e tij.

Kjo sfidë pos një goli të shënuar dhe lojës energjike në momente të saj kishte edhe nervozizëm të tepruar për shka edhe u ndanë pesë kartonë të verdhë dhe një i kuq.