Milano, 23 nëntor - Interi nuk ka arritur asgjë më shumë se një barazim 1-1 ndaj skuadrës turke Trabzonspor në Turqi, por përkundër rezultatit befasues, Nerazzurët kanë siguruar pozitën e parë në Grupin B pasi Lille ka mposhtur në transfertë CSKA Moskën.

Mysafirët shënuan të parët me anë të Ricky Alvarez (18’), mirëpo Halil Altintop e barazoi shumë shpejt rezultatin (23’).

Në takimin tjetër të këtij grupi, më herët Lille ka fituar me rezultat prej 2-0 si mysafir i CSKA Moskës.

Pas xhiros së pestë, Grupit B i prin Interi me 10 pikë duke siguruar kështu edhe vendin e parë, ndërsa tri skuadrat tjera do të luftojnë për pozitën e dytë në xhiron e fundit.