Milano, 14 maj - Ernesto Paolillo ka thënë se Interi kurrë nuk ka bërë ndonjë përpjekje apo ka pasur ndonjë kontakt me Manchester Cityn për të transferuar sulmuesin, Carlo Tevez edhe pse sipas spekulimeve ky transferim vetëm sa nuk është zyrtarizuar.

Ka pasu shumë spekulime rreth transferimit të Tevez te Interi, derisa disa nga mediat italiane më herët kanë raportuar se Nerazzurët vetëm kanë arritur marrëveshje me Cityn për transferimin e këtij lojtari.

Trajneri i Cityt, Roberto Mancini ka folur për La Gazzetta Sport duke thënë “Tevez në dhjetor na ka thënë neve se dëshiron të transferohet në Itali, por nëse ai ndryshon mendjen atëherë ne do të jemi të lumtur”.

Sidoqoftë, Ernesto Paolillo ka thënë se “Pavarësisht çka shkruan nëpër gazeta, ne nuk kemi pasur asnjë kontakt të vetëm me Tevez”.