Milano, 1 gusht - Ardhja e Pep Guardiolës e shoqëruar me blerjen e Thiago Alcantaras ka vënë në dyshim të ardhmen e Luis Gustavos në formacionin e Bayern Munchen.

Një nga futbollsitët më të mirë të bavarezëve në sezonin e kaluar, mund të gjejë veten jashtë preferencave të trajnerit spanjoll, përshkak të mbipopullimit të repartit të mesfushës.

Nisur nga ky fakt, braziliani që u evidentua edhe në Kupën e Konfederatave me kombëtaren e Seleçaos, po sheh mundësinë e largimit nga \"Allianz Arena\", pasi përpara ka një sezon të rëndësishëm, ku duhet të ruajë vendin në formacionin e Luiz Felipe Scolarit.

Dhe pas Wolfsburg në valle për 26-vjeçarin kampion Europe ka hyrë edhe Interi, një ide e hedhur nga zikaltërt disa ditë më parë.

Që më 26 Korrik klubi zikaltër po monitoron situatën e Luiz Gustavos duke u deklaruar i gatshëm për të dueluar me ish kampionen e gjermanisë Wolfsburg.

Vetë futbollisti në përfundim të ndeshjes ndaj Sao Paulos e vlefshme për \"Audi Cup\" ka deklaruar se deri në përfundim të merkatos gjithcka mund të ndodhë.

Një deklaratë që lë të hapur cdo hipotezë, edhe pse specialistët e merkatos e shohin si të sigurtë largimin e mesfushorit nga bavaria.

Luiz Gustavo është shndërruar në një futbollist të rëndësishëm në kombëtaren braziliane dhe për këtë arsye një vit përpara botërorit mesfushori kërkon një skuadër ku të luajë me vazhdimësi, në mënyrë që të mos humbasë vendin e titullarit në skuadrën e drejtuar nga Scolari.