Milano, 27 mars - Kampioni italian, Interi është duke përgatitur një ofertë për superyllin e Udineses i cili poashtu kërkohet nga shumë top-klube Evropiane, Alexis Sanchez.

Interi për një kohë të gjatë është interesuar për Sanchez por Nerazzurët ende nuk kanë dërguar ndonjë ofertë zyrtare drejt tij, ndërsa një gjë e tillë pritet të bëhet në ditët e ardhme me presidentin e Interit, Massimo Morattin i cili është i gatshëm të shpenzoj rreth 25 milion euro për sulmuesin e Udineses.

Interi për ta transferuar këtë lojtar duhet të mposht Barcelonën, Chelsean dhe Romën të cilët poashtu kanë hyrë seriozisht në garë për superyllin e Udineses i cili në këtë sezon është duke shkëlqyer me klubin e tij.