Milano, 22 mars - Tani përpos Interit garës për të nënshkruar me superyllin e Udineses, Alexis Sanchez i është bashkuar edhe rivali i përjetshëm i Nerazzurëve, Milani.

Padyshim që me formën e treguar në këtë sezon me Udinsesen, Sanchez është njëri ndër lojtarët më të mirë në botë, dhe për këtë arsye për të janë future disa top-klube Evropiane, kur ndër të tjerët janë edhe Interi dhe Milani.

Sanchez admirohet shumë nga presidenti i Interit, Massimo Moratti dhe ai deri në fund të sezon do të këmbëngul për të nënshkruar me të, ndërsa të njëjtën gjë me siguri do ta bëj edhe Milani i cili për momentin është në krizë të madhe të rezultateve.