Barcelonë, 8 mars - Mesfushori i Barcelonës, Andres Iniesta është shprehur duke thënë se kapiteni i Arsenalit, Cesc Fabregas nuk është shumë i rëndësishëm për ta sa është Jack Wilshere.

“Nuk duhet të bëjmë gabime në këtë takim. Kjo është finalja e parë për ne në këtë sezon, dhe nuk duhet të dështojmë sidomos pasi luajmë në shtëpi”.

“Ne e kemi analizuar ndeshjen e Arsenalit dhe kemi vërtetuar se Cesc nuk është lojtari kryesor për ta. Wilshere është lojtari kryesor për Arsenalin. Ai është i ri por është shumë i rëndësishëm për ta”, tha Iniesta.