Napoli, 19 korrik - E ardhmja e Zlatan Ibrahimovicit mund të jetë sërish në Itali. Pasi i veshi fanellat e Juventusit, Interit dhe Milanit, mediat italiane shkruajnë se sulmuesi suedez mund të përfundojë në Napoli këtë verë.

Sipas mediave italiane, klubi nga San Paolo ia ka ofruar një kontratë pesëvjeçare sulmuesit suedez, me një pagë vjetore prej 6 milionë eurosh.

Por, rroga e futbollistit mund të jetë problemi kryesor, pasi që në Paris Saint Germain ai paguhet 14 milionë euro dhe ka kontratë deri në vitin 2015.

Pas transferimit të Edinson Cavanit pikërisht në PSG, napolitanët kanë bërë para dhe mund ta blejnë një yll.

Sipas këtyre mediave, Ibra mund të prezantohet tek Napoli të hënën, edhe pse interesim për të ka shprehur edhe Real Madridi.

Duket pothuajse e sigurt se futbollisti me prejardhje boshnjake nuk do të qëndrojë në Paris edhe sezonin tjetër.