Paris, 4 prill - Ibrahimovic ka porositur sulmuesin e Manchester United, Wayne Rooney, t’i bashkohet atij te Paris Saint-Germain (PSG).

Gjiganti i pasur francez është duke menduar një ofertë për sulmuesin anglez gjatë verës, dhe në këtë tregim është përfshirë edhe legjenda Ibrahimovic.

“Nëse ai dëshiron të jetë pjesë e projektit më të mirë të futbollit, atëherë ka një klub me të cilin duhet të nënshkruajë. Vetëm ai e di vendimin që do të marrë gjatë verës, por projekti që ne përpiqemi të ndërtojmë është i qartë”.

“Ne nuk jemi të kënaqur të jemi forcë dominuese në Francë, ne duam të jemi një top klub edhe në Evropë”.

“Mund ta kuptoj se pse pronarët janë të interesuar në Rooney – ai është një prej top 10 sulmuesve në Evropë”, ka thënë Ibrahimovic.