Munich, 18 prill - Trajneri i Bayern Munichut, Jupp Heynckes ka folur në konferencë për media rreth ndeshjes gjysmëfinale të Ligës së Kampionëve ndaj Barcelonës, që do të zhvillohet javën tjetër. Trajneri gjerman e ka lavdëruar Lionel Messin, të cilin e quan futbollist fenomenal.

“Është e pabesueshme se çka ka arritur Messi. Katër Topa të Artë dhe 50 gola për një sezon, kjo është jashtë kësaj bote”, tha trajneri i gjigantit bavarez.

“Fjala më e mirë për ta përshkruar Messin është ‘fenomen’. Në një moshë aq të re, ai e ka arritur nivelin e njëjtë me lojtarë si Zidane, Pelé, Maradona e Cruyff”, shtoi ai.

Sa i përket Barcelonës, ai thotë se Bayerni do të përballet me ekipin që e ka dominuar futbollin evropian në vitet e fundit.

“Unë jam i fascinuar me mënyrën se si luan Barça. Nuk mendoj megjithatë se ka favorit ndërmjet katër skuadrave gjysmëfinaliste, për t fituar Championsin”, përfundoi Heynckes.