Manchester, 26 maj - Kampioni i Europës, Chelsea dhe dy skuadrat nga qyteti i Manchester, City dhe United, kërkojnë me ngulm talentin 21-vjeçar bel të Lille, Edeenn Hazard.

Vetë futbollisti ka konfirmuar se do të largohet nga francezët e Lille, për të vazhduar karrierën e tij futbollistike në Premier League.

\"Unë do të luaj në Angli sezonin e ardhshëm. Kam oferta nga tri skuadra të mëdha të Premier League\", është shprehur belgu i Lille

Sipas mediave franceze dhe britanike, Manchester United do të jetë skuadra e re e Eden Hazard. Madje ata flasin edhe për një arritje akordi por deri tani asgjë nuk është zyrtarizuar.

Një gjë është mëse e sigurtë: Sezonin tjetër, Hazard do të luajë në Premier League.