Prishtinë, 10 dhjetor - Qendra e njohur e fitnesit dhe atletikës Fivestar do të bëjë hapjen e qendrës së saj të tretë në hotelin Grand në Prishtinë.

Në këtë mënyrë, Fivestar do të jetë edhe më afër klientëve të saj me shërbime të kualitetit të lartë, që mundësojnë kujdes të shtuar shëndetësor dhe fizik.

Hapja e Fivestar në qendër të Prishtinës është rezultat i interesimit të shtuar të klientëve dhe investimeve të vazhdueshme të pronarëve për përmirësimin e shërbimeve dhe hapjen e vendeve të reja të punës.

Edhe këtë herë Fivestar sjell shumë risi për klientët e tij. Hapja në hotelin Grand do të bëhet me një ceremoni solemne, në të cilën pritet të marrin pjesë edhe fytyra të njohura publike.