Napoli, 18 qershor - Mesfushori Marek Hamsik është i vendosur që të mbyllë karrierën te skuadra e Napolit, përcjell "Gazzetta dello Sport" të hënën.

Këtë e ka konfirmuar agjenti i Hamsikut, Jurai Venglos. Hamsik, 25-vjeçar, është pjesë e Napolit prej vitit 2007 kur u transferua nga Brescia.

Ai me Napolin ka kontratë deri në qershorin e vitit 2017. "Ai dëshiron të qëndrojë përgjithmonë te Napoli dhe të bëhet legjendë e këtij klubi.

Hamsik është i lumtur te Napoli dhe ka refuzuar të gjitha ofertat.

Ai beson se Napoli shumë shpejt do ta fitojë edhe titullin e kampionit në Serie A", është shprehur Venglos.

Hamsik është edhe reprezentues i Përfaqësueses së Sllovakisë, për të cilën ka zhvilluar 64 ndeshje dhe ka shënuar dhjetë gola.