Barcelonë, 8 mars - Pas fitorës së mbrëmshme në rezultatin 7-1 kunder Bayer Liverkusen, trajneri i skuadrës së Barcelonës Pep Guardiola nuk ka lënë pa lavdëruar lojën e lojtarëve të kësaj skuadre por i ka thurur elozhe edhe Messit për të cilin ai është shprehur se një lojtar i tillë nuk i vjen më skuadrës së Barcelonës.

“Ishte një natë magjike për Messin. Do të përgatitem që ti organizoj një festë atij ditën që ai do të thyejë rekordin e Cezar Rodriguez në “Camp Nou”, sepse është një lojtar që e meriton dhe vështirë se mund të vijë një tjetër si ai\".

Duke vijuar më tej komentin e tij ai shprehet se është e vështirë të shënosh 5 gola brenda një ndeshje.

“Detyra ime është të vendos atë në atë pozicion sa të kapë topin pastja detyra ime mbaron” vazhdoi më tej tekniku i Barcas i cili theksoi se pas fitores me skuadrën e Bayer Liverkusen e prisnin të tjera sfida.