Barcelonë, 16 mars - Pep Guardiola dhe Barcelona janë gjithnjë e më pranë rinovimit të kontratës.

Vetë tekniku për këtë çështje është takuar në zyrat e Kamp Nou, me agjentin e tij Josep Orobitg dhe zëvendësin Tito Vilanova.

Ka qenë një takim nga i cili kanë dalë disa kushte tepër të rëndësishme që Guardiola të nënshkruajë sërish me katalanasit.

Në radhë të parë tekniku kërkon që të ketë një pagë me një euro më shumë se Murinjo dhe një kontratë 4 milionëshe për Vilanova.

Më tej ai ka shprehur haptas se për të përforcuar skuadrën, presidentit do ti duhet të sjellë në ekip dy lojtarë që mbajnë emrat e Thiago Silvës dhe Neymar.

Gjatë ditëve të fundit Guardiola është shprehur se është më se i gatshëm për këtë rinovim dhe skuadra në krahun tjetër e pret me gëzim një lajm të tillë, ku vetë Messi ka pohuar se Pep në skuadër është më i rëndësishëm se ai.