Madrid, 17 janar - Agjenti i mesfushorit të Real Madridit, Esteban Granero, ka thënë se klienti i tij është duke shqyrtuar mundësinë për të kaluar te Liverpooli.

24 vjeçari ka vetëm tri paraqitje në La Liga këtë sezon dhe dëshiron futboll të rregullt, e sipas agjentit të tij spanjolli e sheh këtë mundësi te Liverpooli.

“Ai nuk ka shanca te Reali. Nëse ai nuk mund të luajë në Madrid, atëherë ai do të luajë diku tjetër. Është shumë e thjeshtë. Ai kërkon një largim drejt Liverpoolit”, theksoi agjenti Teo Lazaro.