Madrid, 29 mars - Shumë lojtarë të Real Madrid do të largohen në përfundim të sezonit.

Sipas portalit sportiv spanjoll "Fichajes.com", do të jenë 6 lojtarë të cilët do të largohen gjatë merkatos së verës.

Nga ekipi do të ikin portieri Antonio Adan, mbrojtësit Ricardo Carvalho e Raul Albiol. Gjithashtu do të lërë klubin edhe mesfushori Michael Essien, i cili do të rikthehet te Chelsea.

Pritet të largohet edhe Ricardo Kaka, që me shumë mundësi mund të transferohet në SHBA te ekipi i Los Angeles Galaxy. Gjithashtu do të largohet edhe njëri mes Benzema dhe Higuain.

Kështu drejtuesit e "Los Blancos" pritet të bëjnë një revolucion në ekip sezonin e ardhshëm.