Torino, 14 qershor - Juventusi dëshiron që të përfshijë yllin Sebastian Giovinco, në një marrëveshje për transferimin e sulmuesit të Napolit, Edinson Cavani.

Sulmuesi uruguaian pritet të largohet nga Napoli dhe për shërbimet e tij janë shprehur të interesuara një numër i madh i skuadrave evropiane, ndër të cilat është edhe Juventusi.

Pas disa ofertave që kanë hasur në vesh të shurdhër të presidentit De Laurentiis, Juventusi dëshiron që të bindë klubin napolitan që të heqë dorë nga Cavani, duke ofruar në marrëveshje sulmuesin Sebastian Giovinco.