Barcelonë, 12 shtator - Gerard Pique është optimist se bashkëlojtari i tij nga Barcelona, Cesc Fabregas do të kalojë një stinor të suksesshëm pavarësisht fillimit të vështirë.

Ish mesfushori i Arsenalit nuk është shfaqur në formën e tij më të mirë në javët e para të sezonit të ri në La Liga dhe ka zgjuar kritika që janë përcjell me spekulime rreth largimit nga klubi në janar. Por, Pique beson se Fabregas do të del triumfues në fund të edicionit.

“Cesc ndihet shumë mirë. Ai para disa ditësh luajti shumë mirë kundër Arabisë Saudite. Çdo futbollist kalon në batica e zbatica. Ne kemi zhvilluar vetëm tri duele në ligë dhe njerëzit menjëherë spekulojnë se ai do të largohet në dimër”, deklaroi Pique për Cadena Ser.