Ankara, 19 nëntor - Hollandezi Eljero Elia, i cili erdhi me shumë bujë nga Hamburg te Juventus në merkaton e verës duket se nuk bën pjesë në planet e tranjerit Antonio Conte.

Në 10 ndeshje të Serisë A, Elia nuk ka luajtur në asnjë, përveç disa rasteve sporadike si zëvëndësues.

Prandaj dhe klubi torinez kërkon ta shesë me çdo kusht në merkaton e janarit. Në fillim u përfol për një rikthim në Bundesligë por lajmet e orës së fundit devijojnë destinacion.

Sipas asaj që raporton Tuttosport, turqit e Galatasaray kanë formuluar një ofertë prej 8 milion eurosh për të marrë kartonin e hollandezit të Juventus.