Madrid, 1 korrik - Galatasaray është i gatshëm të paraqesë ofertë për mesfushorin e Real Madridit, Leite Kaka.

Sipas të përditshmes sportive spanjolle AS,trajneri i Galatasarayt Fatih Terim, kërkon një yll gjatë kësaj vere dhe prioritet i tij është Kaka.

Real Madridi besohet se është i gatshëm ta shesë Kakan për 40 milionë euro dhe Galatasaray thuhet se është në gjendje të mbulojë edhe kërkesat financiare të futbollistit.

Pengesa më e madhe për arritjen e një marrëveshjeje do të jetë të bindet braziliani për kalim në Stamboll.