Romë, 5 prill - Mesfushori i Romës, Fernando Gago, dëshiron të qëndrojë te klubi italian, mirëpo e ka të qartë se është në dorë të Real Madridit të vendosë për të ardhmen e tij.

Argjentinasi është i huazuar në Olimpico, ndërsa në fund të sezonit aktual pritet të kthehet në Santiago Bernabeu, së paku sipas marrëveshjes ekzistuese.

“Nuk e kam problem (të qëndroj te Roma), por kjo nuk varet vetëm nga unë. Janë të përfshira edhe dy palë të tjera: Roma dhe Reali”, ka qartësuar mesfushori.