Lisbonë, 11 qershor - Legjenda i futbollit portugez, Luis Figo deklaroi se kombëtarja duhet ti jap më shumë shans Kristian Ronaldos për ti lejuar që të tregoj se çfarë mund të bëj.

“Tërë ekipi duhet të krijojë më shume shanse për Ronaldon dhe ai të luaj lojën e tij. Stili i tij është ashtu që ai dëshiron të përfundojë aksionet dhe të arrijë gola. Nëse ekipi nuk i krijon shanse të tilla, nuk mund të pritet që Ronaldo të luaj ashtu siç di ai”, theksoi Figo për mediat portugeze.

Sipas tij, loja e portugezëve duhet të ndryshojë dhe të jetë më efikase, pas humbjes së ndeshjes së parë nga Gjermania. Ai ka thënë se nuk ka kohë për gabime në ndeshjen e radhës.