Gjenevë, 31 mars - Federata Botërore e Futbollit (FIFA) ka përfunduar hetimin e korrupsionit brenda organizatës që ishte nisur në vitin 2015, dhe ka publikuar një raport prej 1300 faqesh.

Në deklaratën në faqen e internetit të FIFA-s, bëhet e ditur se janë përmbyllur hetimet brenda FIFA-s për mitë dhe korrupsion dhe se informacionet i janë dorëzuar Prokurorisë zvicerane dhe zyrtarëve në SHBA

Gjithashtu theksohet se gjatë 22 muajve të fundit në detaje janë ekzaminuar rreth 2.5 milionë dokumente, dhe se janë dëgjuar një numër i dëshmitarëve. Në bazë të hetimeve, është bëri një raport me 1300 faqe.