Romë 6 mars - FIA është gati të hapë një hetim ndaj MekLaren për shkelje të rregullores në lidhje me përdorimin e një krahu të pasmë në makinën e re.

Ferrari e Red Bull kanë kërkuar shpjegime për këtë pjesë, e cila ka funksionin e reduktimit të rezistencës së ajrit dhe i shton makinës rreth 10 km shpejtësi në rrugë të drejtë.

“Ka polemika rreth krahut të pasmë të MekLarenit, ka konfirmuar menaxheri i Red Bull, Kris Horner. Është një pjesë që i bën të fitojnë goxha shpejtësi në rrugë të drejtë. Duhet zgjidhur para fillimit të sezonit”.