Manchester, 8 maj - Pas 26 vjetësh, Sir Alex Ferguson, largohet nga Manchester United. Lajmin e kanë publikuar mediat britanike të cilat janë bazuar në fjalët e disa lojtarëve të “djajëve të kuq”.

Sipas këtyre burimeve Alex Ferguson, do të përshëndetet nga Man United, menjëherë pas ndeshjes kampionale kundër Swansea.

Sipas “The Times” arsyeja pse po e shtynë menaxherin skocez të largohet nga futbolli është mosha e tij dhe shëndeti, ndërsa tash spekulohet se Jose Mourinho, do të jetë pasardhësi i tij.

Është përfolur se Mourinho mund të rikthehet te Chelsea, por klubi londinez nuk dëshiron t’ia paguaj klauzolën Real Madridit, andaj skenari ka ndryshuar dukshëm orëve të fundit, pas lajmit se Ferguson do të përshendetet nga Man United.