Manchester, 24 tetor - Trajneri i Manchester United, Sir Alex Ferguson e ka quajtur ditën e djeshme si ditën më të keqe në karierën e tij si trajner pasi klubi i tij u mposht nga Manchester City në Old Trafford me rezultat të thellë 6-1.

\"Ishte një ditë shumë e keqe, dita jonë dhe e ime më e keqe në futboll e cila do të na mësojë akoma më shumë\".

\"Ndihem shumë i pakënaqur. Është humbja ime më e keqe në histori, si trajner dhe si lojtar, unë nuk mendoj se kam pësuar ndonjë humbje më të lartë se kjo, sidoqoftë do të jetë një garë kjo për mua\".

\"Sidoqoftë ne do të reagojmë nga kjo humbje\", tha Ferguson pas këtij takimi i cili ishte më shumë se një derbi ndërmjet këtyre dy ekipeve që ishin në krye të rënditjes.