Ankara, 14 gusht - Drejtuesit e Fenerbahçes janë shumë të interesuar që të transferojnë mesfushorin kosovar të Bayern Muenchenit, Xherdan Shaqiri.

Lajmi është bërë i ditur të martën nga mediumet turke. Fenerbahçe e sheh Shaqirin si përforcim adekuat për repartin e mesfushës.

Skuadra turke do të kërkojë nga Bayerni të paktën huazimin e Shaqirit për një edicion.

“Fenerbahçe pas humbjes nga Galatasaray në ndeshjen e Superkupës së Turqisë është vënë në sulm për Shaqirin. Klubi gjatë këtyre javëve do të punojnë intensivisht në transferimin e tij”, shkruan e përditshmja “Milliyet”.

Në rast se dështon transferimi i Shaqirit, atëherë Fenerbaçe ka alternativën tjetër, mesfushorin portugez të Manchester Unitedit, Luis Nani.