Londër, 10 qershor - Andrei Arshavin ka bërë edhe më të paqartë të ardhmen e bashkëlojtarit të tij, Cesc Fabregas, ngase Spanjolli para se të shkonte në pushime i kishte dhënë të gjithve nga një dhuratë dhe kur ishte i pyetur a ishte dhuratë lamtumirëse, ai nuk ishte përgjigjur.

“Vetëm Cesc duhet të vendos nëse të largohet apo jo. Biseda serioze mbi këtë temë nuk ishin zhvilluar në ekip – mirë, ne bëmë shaka pak, si zakonisht”.

“Para se të shkonte në pushime, Fabregas i dha dhurata të vogla çdo lojtari dhe e pyeta: “Çfarë është kjo ? Dhuratë lamtumirëse? “. Ai nuk tha asgjë. Kjo tregon se ka diçka prapa kësaj heshtjeje”, u shpreh Arshavin.