Manchester, 13 gusht - Evertoni ka pranuar ofertën e Manchester Cityt për transferimin e mesfushorit Jack Rodwell.

Klubi nga Liverpooli ka bërë të ditur se ka pranuar ofertën me Cityn, shuma e të cilës mbetet e pa publikuar. 21 vjeçari pritet t’i nënshtrohet testit mjekësor, para zyrtarizimit të tranferit.

Rodwell është produkt i akademisë së Evertonit dhe ka 100 paraqitje që prej shpërthimit të tij në skenë nën trajnerin David Moyes.