Paris, 31 korrik - Merkato e këtij viti ka filluar me lëvizje të bujshme dhe të kushtueshme dhe duket se ashtu edhe do të përfundojë. Shuma marramëndëse përfliten per futbollistë si Gareth Bale apo Cristiano Ronaldo dhe tendenca është gjithnjë në rritje, ndërkohë që blerja e fundit më e shtrenjtë i takon PSG që transferoi për 63 milionë euro nga Napoli Edinson Cavanin.

Mjafton të shikojmë se si janë rritur çmimet e lojtarëve në vite ku dhjetëshen e parë të blerjeve më të mëdha në histori e nis Hernan Crespo për të cilin në vitin 2000 Lazio pagoi 55 milionë euro në arkat e Parmës.

Në vëndin e nëntë qëndron një tjetër sulmues, edhe ai amerikano-jugor. Braziliani Hulk la Porton për tu bashkuar me Zenith për shifrën e 55 milionë eurove dhe për një pagë 60 milion euro në pesë sezone.

Në vëndin e tetë renditet sulmuesi më në formë për momentin braziliani Neymar që më në fund vendosi të largohet nga vendlindja dhe si destinacion të ardhshëm zgjodhi Barcelonën që pagoi 57 milionë euro për të siguruar shërbimet e tij.

Por nëse do ti bashkonim të gjithë së bashku, në pozicionet që ata luajnë në fushën e lojës, atëherë cili do të ishte ekipi më i shtrenjtë i historisë së futbollit?…