Romë, 27 prill - Kryeministri italian Giuseppe Conte ka njoftuar se ekipet sportive profesioniste mund të rifillojnë stërvitjen muajin tjetër.

Kjo do të thotë që kampionati italian i futbollit "Serie A" mund të rifillojë ndeshjet në qershor, megjithëse Conte tha që një vendim lidhur me këtë do të merret në një datë të mëvonshme.

"Serie A" është pezulluar që nga 9 marsi, kur qeveria urdhëroi një mbyllje mbarëkombëtare, dhe nga përfundimi i saj mbeten ende edhe dymbëdhjetë javë.