Prishtinë, 7 mars - Në kuadër të aktiviteteve për shënimin e 25 vjetorit të “Epopesë së UÇK-së” sot në Kampin Nacional në Hajvali, do të zhvillohet ndeshja vëllazërore futbollistike ndërmjet ekipeve të Forcës së Sigurisë së Kosovës dhe Forcave të Armatosura të Republikës së Shqipërisë.  

Me këtë rast të veçantë festiv janë ftuar të gjithë qytetarët e Republikës së Kosovës, që përmes sportit të shënojnë “Epopenë e UÇK-së”, të kujtojnë Jasharajt legjendarë dhe të gjithë të rënët për lirinë e kombit dhe atdheut.  

Meqenëse ndeshja po zhvillohet në kuadër të manifestimit “Epopeja e UÇK-së”, me këtë rast në mënyrë të veçantë janë ftuar pjesëtarët e shoqatave të dala nga Lufta e UÇK-së: Veteranët e UÇK-së, familjarët e dëshmorëve dhe invalidëve të Luftës së UÇK-së.