Munich, 2 prill - Kapiteni i dikurshëm i Bayern Munichut, Stefan Effenberg, nuk e konsideron favorit ish-klubin e tij në përballjen çerekfinale të Ligës së Kampionëve ndaj Juventusit.

Derisa të tjerët thonë se bavarezët janë superiorë ndaj Bianconerëve për një nuancë, 44-vjeçari mendon se mungesa e liderit është dobësia e skuadrës së Jupp Heynckes.

“Mendoj se Bayerni nuk është favorit. Juventusi sot është tjetër skuadër nga ajo që e filloi sezonin. Ka përparuar, sidomos në vetëbesim”.

“Kur Bayerni ka një ditë të keqe, nuk ka një lider të vërtetë që mund ta nxjerrë skuadrën. Kjo është një mungesë, sepse një ekip i suksesshëm duhet të ketë personalitet dhe arrogancë sportive”, ka deklaruar Effenberg për Ita Sport Press.