Napoli, 12 janar - Edinson Cavani ka refuzuar spekulimet rreth transferimit të tij te ndonjëra nga skuadrat më të mëdha evropiane.

Ylli uruguaian ka insistuar se dëshiron të mbetet futbollist i Napolit “për një kohë të gjatë”. Cavani është objektiv i klubeve të pasura si Zenit St Petersburg, Manchester City, Real Madrid dhe Chelsea, por 25 vjeçari ka mohuar mundësinë e largimit të tij nga San Paolo.

“Shpresoj të mbetem këtu për një kohë të gjatë. Kënaqem këtu dhe gjithçka që më rrethon në këtë qytet, si tifozët që më japin motivim shtesë.\"

\"Napoli më ka dhënë shumë dhe për këtë arsye ndihem i lumtur këtu”, deklaroi Cavani për TG1.