Stamboll, 27 janar - Didier Drogba është shumë pranë transferimit në Galatasaray.

Sipas medieve turke, sulmuesi nga Bregu i Fildishtë, anëtar i skuadrës kineze Shanghai Shenhua, shumë shpejt mund të nënshkruajë për gjigantin nga Stambolli ku ditë më parë erdhi mesfushori i mirënjohur holandez, Wesley Sneijder nga Inter.

Po ashtu, Galatasaray thuhet se është në përpjekje të angazhojë edhe qendërmbrojtësin e Manchester Cityt, Kolo Toure. Drogba kërkohet edhe nga Milan e Juventus në Serie A mirëpo thuhet se mund të përfundojë në Galatasaray.