Buenos Aires, 16 janar - Legjenda argjentinase e futbollit, Diego Maradona, ka zbuluar se ai më nuk dëshiron asgjë në lidhje me futbollin.

Ish-përzgjedhësi i Argjentinës ka folur për zhgënjimin e tij me futbollin pas shkarkimit dhe zëvendësimit të menjëhershëm të Matias Almeyda nga ana e skuadrës River Plate.

“Pasi u neverita aq shumë me mënyrën e shkarkimit të ‘Pelado’ Almeyda dhe pasi të dielën ata caktuan Ramon Diaz, më nuk dua të punoj në futboll”.

“Të prezantosh trajnerin e ri brenda tre ditëve, kjo më nervozon. Nuk dua më të punoj në këtë fushë sërish”, ka thënë Maradona për Racio Nacional.