Madrid, 24 qershor - Sulmuesi uruguaian ka shkëlqyer në Spanjë pas aventurës së zbehtë në Manchester United. Por, së fundmi është spekuluar se mund të kthehet sërish në Premier Ligë.

Atletico Madrid ka njoftuar se Diego Forlan mund të kthehet në Angli, pasi e ka vënë për shitje.

32 vjeçari tani duket se nuk është më i nevojshëm në Vicente Calderon, ndërsa presidenti Enrique Cerezo ka thënë se zgjedhja e parë e sulmuesit është Premier Liga.

\"Diego do të vendosë për të ardhmen e tij, por duket se zgjedhja e parë e tij do të jetë Anglia\", tha Cerezo për Marca.