Londër, 8 mars - Gianfranco Zola i ka dalë në mbështetje trajnerit të përkohshëm të Chelseat, Roberto Di Matteo, duke thënë se ai ka kualitet për ta vazhduar punën në Stamford Bridge.

“Roberto ka një mundësi të mirë dhe të madhe, ndërsa unë personalisht besoj se ai ka kualitet për të bërë një punë të mirë”.

“Vërtet shpresoj se do të ketë sukses. Ai është një djalosh i Chelseat po ashtu, është një hero i Chelseat, prandaj është mirë i përfaqësuar”, ka deklaruar ish-sulmuesi italian.

Zola, dikur lojtar i Chelseat, ka thënë se përkundër dashurisë që ka për klubin nuk pret që Roman Abramovich t’i kërkojë atij që ta marrë drejtimin e Bluve..