Sao Paulo, 19 korrik - Sao Paulo ka njoftuar përmes faqes zyrtare në internet se ka transferuar mesfushorin e Arsenalit, Denilson, në formë huazimi njëvjeçar.

Braziliani, i cili do të prezantohet ditën e sotme, është transferimi i parë i trajnerit të ri Adilson Batista.

23-vjeçari u largua nga Sao Paolo në vitin 2006 në drejtim të Topçinjve, mirëpo mungesa e trofeve në Emirates e ka bërë që ai të kërkojë tjetër skuadër. “Jam shumë i lumtur që jam kthyer.

Dëshiroj t`i ndihmoj Sao Paolos që të bëhet kampion i Brazilit”, ka deklaruar Denilson për Lancenet.