Milano, 17 maj - Tersi i dëmtimeve vijon ta përndjekë Interin edhe në këtë fund sezoni, ku skuadra zikaltër ka dalë jashtë cdo objektivi.

Atëherë kur Antonio Cassano mendohej se do të ishte në dispozicion të Andrea Stramaccionit, vjen lajmi i dëmtimit të tij.

Më konkretisht, FantAntonio ka thyer dorën e djathtë në fund të ndeshjes së kontrollit, pas një një rënieje të pakontrolluar.

Kjo do të thotë se për të nuk ka asnjë shans që të jetë në fushë ndaj Udineses në \"San Siro\", në kuadër të javës së fundit të Serie A.