Sydney, 31 gusht - Përfundon \"telenovela\" rreth ish-kapitenit legjendar të Juventus, Alessandro Del Pieros, i cili tashmë ka një ekip, atë të Sydney në Australinë e largët.

Lajmin e bëri publik klubi australian në faqen e tij të internetit rreth mesditës.

\"Jemi krenarë të lajmërojmë se legjenda e futbollit italian, Alessandro Del Piero, ka pranuar të firmosë një kontratë për Sidnein, pasi refuzoi shumë oferta të tjera. Jemi të nderuar që Del Piero ka vendosur të luajë për ne\", thuhet në komunikatën e klubit australian.

Në mediat australiane përcaktohej se 37-vjeçarit i është ofruar një marrëveshje 2-vjeçare, me një pagë prej 2 milionë eurosh në sezon.

Për momentin, mungon konfirmimi i vetë Del Pieros, por tashmë duket se fati i legjendës së Juventusit është i shkruar.

Rreth tij, ishte interesuar më parë edhe Sioni i Gattusos, Los Anxhelos Galaxy, Celtic dhe disa klube arabe.