Sidnej, 17 shtator - Futbollisti italian, Alesandro Del Piero, ka arritur në Australi, ku tifozët i kanë siguruar një pritje ngazëlluese.

Sulmuesi 37-vjeçar, pas 19 vjetëve në Juventus, ka nënshkruar kontratë dyvjeçare me klubin futbollistik të Sidenejit, e cila do t’i sigurojë 4.23 milionë dollarë.

Shefi ekzekutiv i klubit të Sidnejit, Toni Pignata, ka shfaqur bindjen se “kontrata më e pasur në historinë e futbollit australian” do të sjellë suksese në dhe jashtë fushës.