Paris, 18 dhjetor - Një tjetër sinjal shumë interesant mekatoje vjen nga shtëpia e Romës. Klubi verdhekuq në të vërtetë po negocion me PSG një shkëmbim të mundshëm të Daniele De Rossit me Marco Verrattin që në muajin janar.

Klubi francez pavarësisht përgënjeshtrimeve nuk e ka humbur shpresën për të siguruar mesfushorin e Romës që vazhdon të mos ketë mardhënie të mira me trajnerin Zeman dhe nëse ai largohet nga kryeqyteti italian do ta bënte vetëm për Parisin, nga krahu tjetër trajnerit bohem nuk di ti vinte aspak keq të kishte sërisht nën urdhërat e tij talentin që e ka stërvitur tek Pescara.

Roma vazhdon, nëpërmjet fjalëve të drejtuesëve të saj të përkëdhelë De Rossi pavarësisht thyerjes evidente të mardhënieve të tij me Zemanin që e la jashtë 11-tëshes edhe në takimin e Veronës kundër Chievos.

Ja pra pse po aludohet për një operacion të tillë ku klubi italian sipas mediave të këtij vëndi po mendohet të bëjë një shkëmbim të mundshëm të atij që ishte projektuar si kapiteni i ardhshëm i Romës me talentin Verratti që pas një nisjeje shpërthyese të sezonit të shoqëruar me plot lëvdata në klubin parizien, pak nga pak po rëshqet në stol dhe jashtë formacionit titullar.

Carlo Ancelotti do të bënte gjithcka për De Rossin që është një prej futbollistëve më të admiruar nga ish trajneri i Milanit ndërsa De Rossi është i gatshëm ti japë lamtumirën Romës vetëm për një qytet si Parisi.

Roma e vlerëson De Rossin 20 milion euro: përvec Verrattit për të cilin PSG pagoi 13 milion klubi italian sigurisht që do ti kërkojë francezëve edhe pjesën e mbetur pra 7 milionë euro.

7 milion që përveç kursimit të pagës së lartë të De Rossit për pesë vjet që është edhe kontrata e tij do të nevojiten për të arritur tek mbrojtësi i djathtë i Eintracht Frankfurtit, Jung.