Napoli, 25 dhjetor - Napoli ka gjetur më në fund trashëgimtarin e Diego Armando Maradonës i cili quhet Edinson Cavani.

E Konfirmojnë në fushë golat e shënuar këto tre sezoni nën hijen e vezuvit, por dhe karakteri në dhomat e zhveshjes, fjalë të presidentit të klubit Aurelio De Laurentiis.

\"Cavani është një luftëtar që përfaqëson më së mirë shpirtin e Napolit dhe të tifozëve tanë, për ta mbajtur kam refuzuar një ofertë prej 55 milionë eurosh. Edinson është kthyer në simboilin e ringritjes së Napolit të të gjithë atyre që kanë nevojë për një lider që ti udhëheqë.”

Rrëfim interesant ai i refuzimit të një oferte prej 55 milionë eurosh, shumë tunduese në kohë të mira e jo më kur bëhet fjalë për krizën ekonomike.

\"E mbajta pasi nuk jam te Napoli për të bërë tregti, por për dashurinë ndaj skuadrës, Napoli është filmi im më i bukur dhe për mua përfaqëson gjithë Italinë\", tha numri një i Axurrëve.

Deklarata e dashurisë të numrit një të klubti ia lë vendin diskutimit të merkatos që është te porta.

\"Jam dakord me Mazzarrin, në janar do të ndërhyjmë për të përmirësuar skuadrën. Do ta bëjmë në mënyrë të vendosur në janar dhe akomë më të fortë në qershor. Objektivi ynë është të behemi një nga skuadrat më të forta të Europës, Napoli në planin kulturor është më i rëndësishëm se Manchesteri apo Barcelona. Nuk ka asnjë motiv përse qyteti ynë të mos jete në avangardë të Europës\", vijoi De Laurentiis.

Duken fjalë të bujshme, por presidenti i Napolit këmbëngul se lindin nga një ide shumë e qartë.

\"Kemi arritur të bëjmë shumë mirë në këto vite, me durim dhe këmbëngulje do të krijojmë një klub akoma më të fortë. Në 8 vjet kemi kaluar nga seria c në Champions League, për këtë falënderoj ata që kanë bashkëpunuar në projektin tonë që nga fillimi i tij\", përfundoi presidenti i Napolit.