Manchester, 9 maj - Largimi i papritur i Sir Alex Ferguson i ka detyruar drejtuesit e Manchester United të kërkojnë një trajner të ri për skuadrën.

Por siç raporton tabloidi britanik \"Daily Mail\", \"Djajtë e Kuq\" e kanë gjetur teknikun e ri.

Bëhet fjalë për menaxherin e Everton David Moyes, i cili do të jetë pasuesi i Sir Alex në \"Old Trafford\".

Palët kanë gjetur akordin e përbashkët dhe pasditen e sotme pritet edhe zyrtarizimi i transferimit.

Edhe Alex Ferguson dëshiron që David Moyes të jetë pasardhës i tij në postin e menaxherit të Manchester United.

Sir Alex i përkrahur edhe nga legjendat e Old Traffordit, po kërkon që menaxheri i Evertonit të marrë drejtimin e “Djajve të kuq”, shkruan Daily Mail.

Mbrëmë United ishte në shok pas vendimit të Fergiet për pensionim por tani ai ka kërkuar nga drejtuesit e United që të nënshkruajnë me tij Moyes, 50 vjeç, i cili dje ishte në Londër për të biseduar me pronarin e Evertonit Bill Kenwright.

Ky i fundit insistoi se nuk kishte ndonjë marrëveshje me United dhe se Moyes do të jetë menaxher i “Toffees” edhe për ndeshjen që ata do ta zhvillojnë kundër West Hamit të dielën.