Londër, 16 prill - Rafa Benitez beson se David Luiz do të jetë figura kyçe e Bluve në tentativën për të triumfuar në Evropa League.

Ekipi londinez u përjashtua nga FA Cup të dielën nga Manchester City, por është akoma në kërkim të një trofeu në Europa League, ku ka punë me Baselin.

Nga ana tjetër, deri në javët e fundit të kampionatit anglez do të përpiqet që të zë pozitën e katërt në tabelë për t’u kualifikuar në Ligën e Kampionëve.

“David Luiz është një futbollist i rëndësishëm dhe po luan mirë, mirëpo janë shumë si ai (në skuadër). Nuk dua ta lavdëroj vetëm atë dhe jo të tjerët, por ai është lojtar kyç për ne dhe do të jetë i tillë në të ardhmen”, ka deklaruar strategu spanjoll.