Manchester, 1 prill - Portieri i Manchester United, David De Gea, thotë se dëshiron ta shijojë trofeun e Kupës FA.

Pasi ka luajtur në pesë ndeshje gjatë dy sezoneve te United, De Gea tashmë e njeh mirë garën e Kupës FA, që është e ngjashme me Kupën e Mbretit në vendin e tij.

“Është një garë historike, mirë e njohur, me një jetëgjatësi. Gjithmonë është në lajme në Spanjë dhe mbaj mend që e kam parë atë në TV kur isha i ri”.

“Kam ndjenjën se Kupa FA është ca më prestigjioze se Copa (del Rey), por ata sigurisht se janë të ngjashme. Është një garë në të cilën jemi krenar që luajmë”, ka thënë De Gea për ManUnt.com.